ViTo Kompetanse as, kven er vi?
ViTo Kompetanse as er ein liten attføringsbedrift som ligg på Dalen i Telemark, øvst i enden av Telemarkskanalen. Vi er 100 % eigd av kommunane Tokke og Vinje og er 5 ansatte som arbeidar med attføring, alle med ulik bakgrunn, kompetanse, alder og erfaring.
Vår hovudoppgåve er å arbeide med attføring, i tillegg har vi ein liten produksjon som gir verdfulle arbeidstreningsplassar og gode moglegheiter for ulike arbeidsoperasjonar, vanskegradar og utfordringar. For Bergen Plast as utfører vi ulike oppdrag innen plast- og metallarbeid. Bearbeiding av fleire typar metallprodukt utfører vi for Dalen Mekaniske as, og for Hey´di as blandar og tappar vi ulike typer væskebaserte murtilsetningar.
ViTo Kompetanse sitt mål er å hjelpe flest mogleg tilbake til arbeidslivet og skape ein betre livskvalitet for kvar enkelt deltakar.
Våre grunnverdiar Respekt – Likeverd – Engasjement – Lojalitet – Tillit styrer arbeidet vårt.
I tillegg til å gi arbeidspraksis har vi undervisningsrom med pc'ar knytt opp mot internett med moglegheit for fleire ulike kurs og opplæring.
Dette kan vi tilby i tett samarbeid med NAV og det lokale næringsliv.
|
